స్నేహమా ఎక్కడున్నావు

స్నేహమా ఎక్కడున్నావు
భాధలో వెతికా
సంతోషంలో వెతికా
దుఖం లో వెతికా
కనిపించవేంటి


చెలియలికట్ట దాటే
దుఖం నీ కొరకేనా
మనసు తెరిచి చూస్తే
నీ రూపేనా
నాలోనే ఉన్నా
దూరంగా అనిపిస్తావు

ఎదురుగా కనిపించే ఏ మనిషిలో
నువ్వు కనిపించడం మానేసావు

నీ రూపు మారిపోయిందా
ప్లాస్టిక్ సర్జరి చేయించుకుని
నువ్వెళ్ళి
పోతే నెను
గుర్తుపట్టలేక పోయానా

మరో సారి నువ్వు నేనెరిగిన నేస్తంగా
స్వచ్చంగా కనిపిస్తావేమోనని
వెతుకుతున్నా

నువ్వు నాతో లేవని

నువ్వు నాతో లేవని దిగులుగా ఉన్నాను
నేనెక్కడున్నా ప్రతినిముషం నువ్వు పక్కనేలేవేంటని వెతుకుతున్నా,
మనసేంటో మాట వినట్లేదు,
నీ ఆలోచనలతో నా నుండి దూరం వెళ్ళిపోయింది,
ఎన్నో చెప్పాలని ఉంది,
కాని మనసు మాటకు పదాలు కరువయ్యాయి .
నా పెదవులు నీ పేరే పిలవాలని ఆరాటపడ్తున్నాయికాని,
నా ఎదుట నీవు లేవని మాటలని, లోపలికి నెట్టేస్తున్నాయి.
నా కన్నీళ్ళు లోపలే ఉండాలా బయటకి రావాలా అని,
నిర్ణయించుకోలెక సతమతమవుతున్నాయి,
నీవు చూడకపోతేబయటకు వచ్చినా వ్యర్ధమని తటపటాయిస్తున్నాయి .
నా చేతులు నీ స్పర్శ అందక
ఒకదాన్ని మరోటి పెనవేసుకున్నాయి,
నా హృదయం ఆరాటపడ్తుంది ,
నువ్విక్కడేఎక్కడో వున్నావని చెప్తుంది,
నీ మీద నా ప్రెమెంతో నేనెలా నేనెలా చూపించను?
కొలతలు కొలమానాలు ఏవి లేవే?
నా గుండె చప్పుడు వినేంత దగ్గరగావచ్చి చూడు ,
ఇలా ఇంకో సారి నన్ను విడిచి వెళ్ళవు .

--భారతి

ప్రేమనేది

ప్రేమనేది ఒక అందమైన అబద్దం
నాకు నువ్వు, నీకు నేను అన్న భ్రమ...
కాలంతో పాటు మసిబారి మాయమవుతుంది!!
ఇద్దరి మధ్య హిపోక్రసీ ముసుగులా మొదలై...
అడ్డుగోడలా మారిపోతుంది!!
నువ్వూ, నేను చెరో పక్క పరిగెడతాం
అలిసిపోయి ఒకసారి వెనక్కి తిరిగి చూస్తే...
కనిపించేవి కేవలం ఙ్ఞాపకాల నీడలు!!

--భారతి

అనురాగగీతాన్ని

నేనొక అనురాగ గీతాన్ని
నీ హృదయ వీణ పై
నన్ను ఆలపించి చూడు
మోహన రాగాన్ని ఆలపిస్తాను

నేనొక మలయ సమీరాన్ని
నీ పిల్లన గ్రోవిపై
పలికించి చూడు
మంజుల నాధమై వినిపిస్తాను

నేనొక సువాసన ధూపాన్ని
నీ గుండె గుడిలొ
వెలిగించి చూడు
సుగంధాలని వెదజల్లుతాను

నేననె అస్థిత్వం
నీవు ఆస్వాదించగలిగితేనె
సహజ లక్షణాలని
ప్రకాశిస్తుంది

గడ్డి పూవు